Princesha e Tajlandës Maja Çakri Sirindon ndodhet në Shqipëri, dhe konkretisht në Tiranë.
Dhe në vizitën e saj në Tiranë, Princesha Sirindon ka zgjedhur të njihet më nga afër dhe më tepër me historinë dhe kulturën shqiptare.
Për këtë arsye, ajo ka vizituar këtë të martë Muzeun Historik Kombëtar, ku u njoh me historinë e popullit shqiptar duke u nisur nga pavijoni i antikitetit deri në periudhën e regjimit komunist.
“Princesha e Tajlandës pati një kënaqësi të vërtetë dhe u impresionua shumë nga Muzeu Historik Kombëtar, duke treguar një interes të veçantë në historinë e vendit tonë. Princesha u shpreh entuziaste për vizitën e saj në pavijonet e Muzeut Historik Kombëtar dhe shprehu vlerësimin e saj për historinë e popullit shqiptar që nga kohët më të lashta e deri më sot. Gjithashtu falënderoi për mikpritjen e ngrohtë dhe premtoi se do të kthehet përsëri në muze.” thuhet në njoftimin e Muzeut në faqen zyrtare në Facebook.
